𝗭𝗲𝘂𝘀 𝗭𝗲𝗶𝗻-𝗚𝗶𝗲 𝗝. 𝗖𝗮𝘀𝗶𝗺𝗲𝗿𝗼, 𝗦𝗶𝗹𝘃𝗲𝗿 𝗠𝗲𝗱𝗮𝗹𝗶𝘀𝘁 𝘀𝗮 𝗧𝗮𝗲𝗸𝘄𝗼𝗻𝗱𝗼 𝗖𝗼𝗺𝗽𝗲𝘁𝗶𝘁𝗶𝗼𝗻 𝘀𝗮 𝗔𝗻𝘁𝗶𝗾𝘂𝗲

 

Ni: Shaine Sorrosa

Ibajay, Aklan- Isang karangalan ang naiuwi ni Zeus Zein-Gie J. Casimero, estudyante ng Jose Doromal Taekwondo Gym – Ibajay Branch, matapos siyang magwagi ng silver medal sa Taekwondo competition na ginanap ngayong Hulyo 19 sa Binarayan Sports Complex Gymnasium, San Jose, Antique.

Lumaban si Zeus bilang bahagi ng mga kinatawan ng kanilang training center. Sa kabila ng pagiging bago sa larangan ng taekwondo, ipinamalas niya ang husay, disiplina, at determinasyon sa laban, dahilan upang makamit ang ikalawang puwesto sa kanyang kategorya.

 

Ayon sa kanyang mga magulang, hindi rito nagtatapos ang kanyang paglalakbay sa taekwondo. Plano nilang isali si Zeus sa Municipal Meet, at kung papalarin ay makararating din siya sa Provincial Meet. Patuloy nila itong susuportahan upang lalo pang mapaunlad ang kanyang talento at pagmamahal sa isport.

 

Ang Jose Doromal Taekwondo Gym – Ibajay Branch ay patuloy na sumusuporta at nagsasanay ng mga kabataang may interes sa martial arts, at ang pagkapanalo ni Zeus ay isa lamang sa mga bunga ng kanilang pagtutulungan.